Mange kundar ynskjer å abonnere på informasjon om kva som skjer og kva tid vi jobbar i nettet, enten det er på teknisk utstyr eller fysisk på kablar. Både planlagt arbeid og uforutsette hendingar.
Alt av planlagt arbeid blir ofte lagt ut nokre dagar før arbeidet skal starte opp med push varsel ut 60 minutt før oppstart. Mest mogleg arbeid blir utført i vårt servicevindu mellom kl. 00:01 — 07:00 natt til tysdag. Dette er vårt primære servicevindu som vi nyttar når vi har behov.
Anna arbeid kan vere relativt uforutsett eller vurdert som kritisk, og får då prioritet før servicevindu, dersom vi meiner det er naudsynt.
Ei varsling direkte på sms eller e‑post kan enkelt ordnast ved at du sjølv går inn på sida for driftsmeldingar.
Illustrert:
Trykk på “subscribe to updates” knappen:
Velg om du vil ha sms eller e‑post varsel:
E‑post:
SMS:
Ved større arbeid i fibernettet og på teknisk utstyr jobbar vi mest mogleg på natta, for å skåne kundane best mogleg, der det er mogleg.
I eit levande nett skjer det også feil, då legg vi ut driftsmeldingar så snart feilen er avdekka.
Det er fleire faktorar som er viktige i arbeid på kritisk infrastruktur, ver, vind, lysforhold, risiko for utfall, og liknande.
Vi jobbar heile tida for å bli betre. Alle nodane (=tekniske hytter der kundane våre er kobla opp) våre er sikra med batteri backup, for å halde straum på utstyr ved straumbrot eller “blink” i nettet. Oppetida er ca. 10–18 timar på reservestraum.
Det er alarmar på alle kritiske samband og varsling direkte til teknisk avdeling/vakthavande på større utfall.
Vakttelefonen er open kvardagar frå kl. 15 — 21, helg og heilagdagar frå kl. 10 — 18.
For kundar med eigen SLA (service level agreement) er tilgang til vakthavande utvida, avhengig av nivå.
Vi har også døgnvakt som passar på nettet slik at vi kan ha best mogleg levering av breibandstenester og fange opp feil så raskt som mogleg dersom det skjer hendingar i fibernettet.
Du når oss på kundesenteret alle kvardagar mellom kl. 8–15.
