📬 @knett får eit løft – ny app og betre teneste! 📱✨
E‑posttenesta vår @knett får snart eit skikkeleg ansiktsløft.
Du kan framleis bruke nettlesar som før, men no lanserer vi snart også ein heilt ny og moderne kundeapp.
Appen gir deg eit betre brukargrensesnitt, meir oversikt og enkel tilgang – utvikla med tryggleik og brukarfokus i sentrum.
💡 Kvifor dette løftet?
Som e‑postleverandør må vi oppfylle strenge krav til tryggleik og drift. Med over 4500 kundekontoar stod vi ved eit vegskilje: avvikle eller utvikle. Vi valde å satse – og har investert i ein framtidsretta teneste med:
• Lokal datalagring i vårt eige datasenter hos Kvinnherad Breiband
• Utvikling av lokal disk-lagring for framtidige behov
• Betre spamfilter og virusvern
• Forbetra brukaroppleving i både app og nettversjon
🔐 Ingen kommersiell databruk – fullt norsk personvern
@knett er ei teneste som følgjer norske personvernreglar og GDPR. Vi analyserer ikkje innhaldet i e‑postane dine for reklame, profilering eller anna kommersiell bruk. All datalagring skjer lokalt, og informasjonen din er verna av norske lover – ikkje overført til tredjeland.
📦 Meir plass – mindre stress
Alle kundar får no 20 GB e‑postlagring – tjue gonger meir enn før. Det gir betre plass til det du treng, og mindre behov for å slette.
💳 Betaling frå 1. september 2025
@knett har vore gratis i alle år. For å sikre vidare drift, utvikling og god kundestøtte, innfører vi frå 1. september ein pris på kr 39 per månad per e‑postkonto.
Informasjon om aktivering av betalingsteneste for @knett konti er sendt alle e‑post konti direkte, samt lagt ut på vår heimeside 13. juni og 27. juni. Dersom du ikkje brukar e‑post kontoen din eller ikkje ynskjer å betale for denne kan du sjølvsagt berre seie den opp👇.
👋 Oppseiing av e‑post adresse @knett
Dersom du ynskjer å slette e‑post adressa di treng vi ei oppseiing sendt til: post@kband.no.
Du oppgir fylgjande informasjon i oppseiinga di, og kan gjerne kopiere denne teksten og fylle ut informasjonen under:
Eg seier herved opp mi e‑post adresse i Kvinnherad Breiband AS — @knett.no:
Di e‑post adresse hos oss:
Namnet ditt:
Mobilnr:
Fødselsdato:
Eg er kjend med at når e‑post adressa mi er sletta, vil all tilknytt informasjon – inkludert e‑postar, kontaktar og eventuelle vedlegg – bli fjerna permanent og at det ikkje vil vere mogleg å hente ut innhald eller gjenopprette kontoen etter sletting.
Med venleg helsing
Namnet ditt
Verifisering av konto — for din tryggleik
Alle @knett kontoar som ikkje er verifisert vil bli deaktivert 1. september 2025.
For reaktivering av konto må du ta kontakt med vårt kundesenter i opningtida mellom kl. 8–15 kvardagar.
Kontoen blir då aktivert for nye 24 timar, og må verifiserast i denne perioden.
Les meir her om du er usikker.
🛠 Støttevilkår
Vi tilbyr kundestøtte for @knett via vår eigen app og nettversjon. Andre appar og tredjepartsløysingar har vi dessverre ikkje support på.
🧠 Kort oppsummert:
• Ny kundeapp (innan 1. kvartal 2026) – nettlesar fungerer som før
• Forbetra brukargrensesnitt og oppleving
• Betre spamfilter og viruskontroll
• Lokal lagring – alt på vårt datasenter i Kvinnherad
• Norsk personvern – ingen kommersiell databruk
• 20 GB lagring – tjue gonger meir plass
• Kr 39/mnd frå 1. september 2025 (informasjon sendt til alle e‑post kundar sumaren 2025)
• Kundestøtte via vår app og nettversjon
• Vidare satsing – ikkje avvikling
@knett – ein trygg, lokal og moderne e‑postteneste for framtida! 🌟
