I 20 år har Kvinnherad Breiband vore ein del av kvardagen til Kvinnheringar og hyttefolk. Bedrifter og heimar. Frå stolpe til stolpe, frå grend til grend har vi kome med denne tynne tråden som gjer deg verda i stova.
Ikkje berre det, vi har bidrege med støtte til lag og organisasjonar med kroner og øre i lagskassar med skiltreklame, annonsar, drakter og anna støtte. Basargevinstar, utlån av utstyr, brakker, kompetanse og framføring av fiber til arrangement.
Fiber organisasjonar til ein låg månadspris til idrettslag, bygdahus, skytterlag, båthamner. Vi har ein tråd i alle grender, vi er med på så mykje vi kan, og vil gjerne framleis vere ein levande del av fantastiske, blomstrande Kvinnherad.
Vi er audmjuke, takknemlige, motiverte og feilbarlige. Vi har ikkje hatt vårt siste kabelbrudd eller uhell som kan gje eit stopp i tenestene.
Men du skal vite at vi er alle mann på dekk når alarmen går. Vi har eit hjarte for Kvinnherad og kundane våre. Vi har hjartestartar i alle bilane våre. Vi vil ha deg på nett, og vi vil ha deg på laget.
Vi er her for deg. Ditt eige breiband. Der du bur.
