Det er store steg og god framdrift for Husnes Seniorsenter kvar einaste dag.
Alle faga jobbar som flittige maurar.
Bygget er ferdig støypt og heilt tett, kontora er sparkla og kjøkkenet står for tur i starten av februar. Her er vi så heldige og skal inn i heile 1. etasje.
Det er mykje vi skal ta stilling til innandørs. Fargar, gulv, tak, lys, handtak, låssystem, innreiing, for å nemne noko.
Det viktigaste i planlegginga er å skreddarsy lokala for breibandsaktivitetar, høg trivsel og vidare vekst.
Vi skal byggja opp vårt eige datasenter på nærare 50 m² og byggje opp ein heilt ny sentrumsnode som “rommar” ca. 500 kundar i nærområde.
Lageret blir på litt over 200 m². Vi har totalt 12 kontor å boltra oss på. Det vert elles lagt opp til eit romsleg kjøkken, med to møterom som ligg “vegg i vegg” med skyvedør i mellom.
Elles så ser vi veldig fram til innflytning til våren og klargjering av hage med drivhus utover sumaren.
Følg oss gjerne på facebook, her legg vi ut små snuttar frå stort og smått i frå prosjektet.
Mange er spente på resultatet, og det er jammen meg vi også!
Vi ser fram til fortsetjinga i vekene som kjem, og rundt påsketider skal vi etter planen flytte inn.
