.….og det hakkar!
Nei du er ikkje åleine som stiller det spørsmålet for tida.
Mange av oss jobbar frå heimekontor og brukar meir data enn vi vanlegvis gjer i heimen. Du kan sjølv gjere kvardagen din betre med å ta ein gjennomgang av kva utstyr du har, og kva du kan gjere for å få betre nettkvalitet.
1. Kva leverer Kvinnherad Breiband?
Vi leverer internett gjennom ein heimesentral. Skal du måle din reelle hastigheten må du måle direkte med ein kabel frå ein pc/mac og inn i heimesentralen. Dersom dette målet er ok veit du at hastigheten inn er det du skal ha.
2. Plassering av utstyr — alfa omega!
Sjekk det trådlause nettet korleis det er plassert i høve til der du arbeider.
Kan du kople jobbemaskinen din direkte med kabel er det alltid å anbefale, ikkje minst på video og strøyming, som det er på eit Teams-møte.
3. Trådlaust nett — latter og glede eller tårer og frustrasjon?
Sidan vi er fleire som jobbar heime og brukar meir data enn før er det fornuftig å gå til innkjøp av MESH-rutersystem for mange.
4. Kva er på marknaden i 2021?
På Tek.no finn du mykje god teknisk informasjon og forbrukartestar.
Her er det mykje godt lesestoff om du vil ha litt meir kunnskap om heimenettverk. Sjå ein av testane her.
5. Spelamaskinar — snakkar borna dine om “lagging”?
Det same gjeld spelemaskiner, dei drar mykje datakraft, og her gjeld det same. Kjøp ein skikkeleg ruter som er eigna til føremålet, eller aller helst, kople dei tyngste brukarane direkte med kabel. Det tar og ned belastninga på det trådlause nettet ditt. Kabel kan du få ein elektrikar til å gjere for deg, det er ei god investering.
6. Kva har eg heime eigentleg?
Sett deg inn i kva du har i din eigen heim, finn ut korleis ditt utstyr er tilkopla og heng i hop.
Det gjer ei god kjensle og meistring når du kan hjelpe deg sjølv når det hakkar på Teams.
7. Ring oss for hjelp, råd tips og trøyst når du står fast.
På kundesenteret har vi folk med lang erfaring i problemløysing og feilsøking.
Lukke til kjære kunde, vi er her for deg om du treng ein prat eller litt råd!
